Lesi sigaba sichaza ukubaluleka kokuzilawula komshayeli lapho eshayela emgwaqweni. Ngemva kokufunda lesi sigaba kumele wazi:
• Ukuthi ungakubona futhi ukulawule kanjani ukukhathala.
• Umthelela utshwala nezidakamizwa okunawo ekukwazini kwakho ukushayela ngokuphepha.
Ukushayela akusoze kwaba ngaphandle kwengozi, kodwa kumele uhlose ukushayela usengozini encane. Umshayeli osengozini encane unamakhono amahle okubheka, okulawula isivinini, okuzibeka emgwaqweni, okwenza izinqumo nokubona izingozi.
Isimo somgwaqo siyaguquguquka njalo futhi lokhu kudinga amazinga aphezulu okubheka nokugxila.
Ukuhlola kusho ukugcina amehlo akho ehamba, ubheka endaweni eyodwa imizuzwana embalwa, bese ususa amehlo akho uye kwenye indawo.
Lapho uhlola, bheka:
• Ebangeni elikude.
• Ebusweni bomgwaqo.
• Ngakwesokunxele nangakwesokudla.
• Njalo ezibukweni nasezinkombeni zakho.
Pass